EusGara proiektuak euskararen erabilera bultzatzen du Arratiako enpresetan

Errota Fundazioaren hizkuntza kudeaketa zerbitzuak erakunde bakoitzaren beharretara egokitzen da

Errota Fundazioak AHIZErekin batera sortutako EusGara proiektuak euskara bultzatzen du Arratiako ingurune profesional eta akademikoan. Hizkuntza kudeaketako dohaineko zerbitzua egokitzen da enpresa bakoitzaren helburu, ezaugarri eta erritmoetara hizkuntzaren erabilerari dagokionez eta erakundearentzat interesgarriak diren eremuetan esku hartzen du.

EusGara komunitatea Arratiako 29 enpresak osatzen dute, eta erakundeen babesa du, proiektuak aurrera egiten jarrai dezan babes hori beharrezkoa izango da, euskararen erabilera areagotzeko oinarriak ezarri ondoren. Orain arte, erakundeek EusGararen hainbat onura jaso dituzte: webguneen itzulpena, hizkuntza-paisaien euskalduntzea, bezeroekin euskaraz hitz egin ahal izateko neurrien ezarpena, hizkuntza-irizpideak zehazpena edo dirulaguntzak jasotzeko aholkularitza, doako prestakuntza espezifikoaz gain.

7 urteko ibilbidea

Zerbitzuak 7 urte bete ditu oraintxe eta mugarri garrantzitsuak lortu ditu. Zaintza edo turismoa bezalako arloetan indarra hartu du. Baita Lanbide Heziketan ere, non bidea ireki den ikasleek praktikak euskeraz burutu ahal izateko. Neurri sorta honek euskara babestu eta bultzatzen dute Arratian, Bizkaiko eskualde euskaldunenetariko bat.